Deltakarar

finn

Finn M. Daynes har svært lang erfaring på scenen både med teater, musikal, revy og film.  Han har vore med Bømlo Revylag frå byrjinga i 2001, og har hatt regien på alle forestillingane som laget har produsert etter det. Finn skal også ha regiansvar  i sommar ( saman med Ole Bergesen) , samtidig som han skal spela ulike roller i revyen.

_________________________________________________________________________________________________

Kurti

Kurt Inge Larsen har vore med på alle revyane til Bømlo Revylag bortsett frå Crazy nights i 2014.  Han har også vore med alle revyane til Bømlo Revy og Allsang frå 1999.  Forutan å stå på scenen fungerer Kurti som organisator\produsent, og er det noko ein lurer på kan ein ta kontakt med han. Han skriv også mange av revytekstane.

.

__________________________________________________________________________________________

Anette og Marianne

Anette Solstrand har lang fartstid i Bømlo Revylag og revyoppsetningar.  Ho har også god sceneerfaring både frå «Jenterevyen» og Bømloteateret. I Bømloteateret har Anette hatt mange store roller, som hovudrolla i oppsetningen «Gå å legg deg».  Anette er medlem i Bømlo Revylag, men hadde pause i 2014.

______________________________________________________________________________

Marianne Grønnevik er som skapt for scenen og begynner å få svært god erfaring frå revyar som «Jenterevyen», «Tribunefeber» og ikkje minst alle revyane til Bømlo Revylag mellom 2007 og 2013. I 2014 hadde ho ein velfortent pause, men kjem desto sterkare igjen i år.

________________________________________________________________________________________________

Per Arne Moldøen er frå Fedje, oppfostra på fisk frå havet rundt U-864, og bekreftar dermed uttrykkjet ” There are no such thing as a free lunch”.  Han har brei erfaring med trollgarn, og er som ein konsekvens av det ein hylar te å bruka ukvemsord. Han har aldri vore med i noko musikal, jau forresten Grease samt Koret Lyrens minimusikal frå Gullgruvemiljøet; ”Ga `kje lenger ut på kanten”.  Sceneerfaringa svingar innom Revyar av ymse slag, Teaterstykke, Ein kabaret faktisk, Mostraspelet og Koret Lyren sjølsagt, der han bassa og var Tyl.  Han syns da e voldsomt kjekt å få lov te toska seg på Kanalen.

Musikarar:

Frode Sæverud er vår keyboardist. Han har brei erfaring og har blant anna spelt med Kim Rune Hagen, Bastard, Møllo Blues Band, Palle Band, Stord-revyen, Bømlo Revylag, Draumespor, Brynjar Stautand band, Sigurd Sele band, Angelshare. Han er utdanna ved Nordisk Institutt for Scene og Studio (NISS), og driv også eige studio.

_________________________________________________________________________________________________

.

Knut Erik Gilje er ein solid trommeslagar frå Finnås. Han jobbar til dagleg med kultur på Bømlo Kulturhus, og har spelt trommer i mange band og samanhenger.  Han var også trommeslagar i revyen «So gale at da gaula» i 2010, og alle revyane sidan 2012.

_________________________________________________________________________________________________

Frode Kvandal er ein vidkjent musikar på Bømlo. Mange rekna han for den beste band-musikaren me har. Han har delteke på alt som har skjedd på kulturfronten dei siste åra, også dei fleste revyane til Bømlo Revylag. Frode er kjent langt utanfor Bømlo sine grenser, og er alltid god å nemna når me fortel kven me har jobba med. Frode hadde ein pause frå oss i 2014, men me er svært glade for at han no er tilbake. I år også som kapellmester.

_______________________________________________________________________________________________

På gitar så er det i år eit nytt namn, Tomas Håkonsen. Meir info om han kjem seinare.

________________________________________________________________________________________________

Stab

Hildegunn

Hildegunn Stautland har vore med i staben til Bømlo Revylag i mange år. I fjor tok ho også steget ut på scenen i Crazy nights. Hildegunn har sponsor- og billettansvar, og er det noko ein lurer på vedrørande dette, så er dette dama å ta kontakt med

_________________________________________________________________________________________________

På sminke har me Cecilia Thormodsæter. Ho har vore fast med alle åra me har vore på Kulleseidkanalen Gjestehamn.
_________________________________________________________________________________________________

Tidligare deltagarar i show med Bømlo Revylag:

Jarle VJarle Valvatne starta i Sagvåg Teaterlag på midten av nittitallet og var med på årlige revyar i samfunnshuset på Litlabø ogsommarrevyar i telt i Sagvågen. I 1999 starta han og Åge Stokken opp Sagvågsrevyen som og overtok sommarevyane i Sagvåg.  Jarle var med oss i Sommarshow 2012.

________________________________________________________________________________________________

frode steinslandFrode Steinsland har teater- og revyerfaring frå Stavanger på tidleg 70-tall. Der har han m.a. spelt revy i lag med Steinar Lyse og teater med Dag Schreiner.  Vidare har han vore med på mange ulike oppsetningar i det gamle Bømloteateret frå midten av 70-tallet til meir moderne tid. Han har som regel vore «løgnasen» eller idioten i stykket, – noko som mest ikkje er til å forstå! Teater har kort sagt vore ein viktig hobby for Frode i alle år. Han var med oss i «Sommarshow 2012».

________________________________________________________________________________________________

torleif stokkeTorleif Stokke har brei scene-erfaring, heilt frå han i pure ungdomen spelte til dans i Skånevik, via mange ulike roller i Bømloteateret, til to framifrå Wärtsilä-revyar.  Han er kanskje mest kjent som den eina stemmå i «Koret Lyren», men har også vore konge og knekt i Mostraspelet.  Og for dei som ikkje veit da….han har svart belte i karate…. Torleif var med i «Sommarshow 2012».

_________________________________________________________________________________________________

AinaAina Størksen er god kjent i distriktet som trubadur. Ho har blant anna varma opp for Vassendgutane og Bjørn Eidsvåg, og ellers spelt på pubar og scenar både åleina og i show saman med Åge Stokken. Ho gav for eit par år sidan ut EP-en «Endless game».  Aina var med oss i «Sommarshow 2012», og var også med oss på Moster I 2013 på «Fyrrige kvende og friborne menn».
__________________________________________________________________________________

arvid mikkelsen

Arvid Mørk Mikkelsen er ein kjent og triveleg trubadur på Bømlo.  Han har ei flott stemme, og tolkar ulike sjangarar like godt som vokalist.  I Sommarshow 2012 spelte Arvid gitar.

 
.

.

________________________________________________________________________________

Gunnar Ersland er som regel å finna i Bømlo Revylag sine oppsetningar. Gunnar har vore med Bømlo Revylag sidan 2005, og har også sceneerfaring frå Bømloteateret og Bømlo Musikal Laug. Gunnar er som skapt for show og revy. I år tar Gunnar ein velfortjent pause.

_________________________________________________________________________________________________

åge hitler

Åge Stokken frå Sagvåg er kjent frå eit utall revyar i Sunnhordland. Han har i fleire år vore med i Stordrevyen, og hausta heider og ære der. Åge var i 2001 og 2002 med Bømlo Revylag i sommarrevyane «Sommargalen i Røyksundkanalen 1 & 2″.  Han har også vore med på «Absolutt Revy» i 2003, «Sommarvarité» i 2008, «So gale at da gaula» i 2010 , «Lått & Lealaust – i eit sjarmerande sommarnaust» i 2011, Sommarshow 2012 og Crazy nights 2014. I år er Åge med I Stordrevyen.

_________________________________________________________________________________________________

geir ersland 2 cropt

Geir Ersland har vore ein god bakmann (Melkevikfestivalen) for musikklivet på Bømlo, men blir lett stilt i eit litt dårligare ljos rett bak rampen. Han er likevel ikkje verre på det og stiller opp når bror Gunnar treng musikalsk og moralsk støtte og trøyst.  Men Geir har likevel spelt og vore frontfigur i ulike musikalske prosjekt på Kulleseidkanalen Gjestehamn, med kystkultur musikk saman med Åsmund Nesse og Hans Olav Molde. Geir var med oss på  Sommarshow 2012, «Kyrkjerevy 2013» og Crazy Nights 2014.

________________________________________________________________________________________________

geir bjarte

Geir Bjarte Hatlevik har vore aktiv i Fitjar Teaterlag i 25 år, og har lang erfaring frå revy i sommarrevyen på Fitjar og andre revyoppsetnningar. Han har vunne fleire revyprisar, både på Høylandet og lokalt i revyfestivalen på Fitjar. Han har underfundige og gode tekstar, og står for klassiske revynummer. Geir Bjarte var med oss på «Sommarshow 2012» og Crazy Nights 2014.

________________________________________________________________________________________________

Geir SGeir Sørenes har masse erfaring frå revyscenen.  Han var tidligare eindel av «Bømlo Revy & Allsang» saman med Torgrim Holte og Kurt Inge Larsen.  Han var svært delaktig i revyane «Fire men og ein baby» i 1999 og «Tribunefeber» i 2006. Han har også vore med Bømlo Revylag», blant anna på CD’en «Drops» som kom i 2009. Han var også med i «Crazy nights» 2014.

_________________________________________________________________________________________________

HegeHege Habbestad har vore med på fleire revyprosjekt, blant anna «Jenterevyen» og «Tribunefeber».  Ho var med «Bømlo Revylag» i «Sommarvarite» i 2008 og Crazy Nights 2014.

_________________________________________________________________________________________________

RannveigRannveig Steinsbø var i 2012 i Stordrevyen. Før det har ho ulike revyprosjekt bak seg, og ho var også eindel av «Jenterevyen». Ho var med «Bømlo Revylag» i «Sommarvarite» i 2008 og Crazy Nights 2014.

_________________________________________________________________________________________________

RebekkaRebekka Gåsland Håvik er ei ung jenta med ei stor stemma.  Ho var med oss i «Crazy nights» i 2014.

_________________________________________________________________________________________________

Reklamer
Kommentarer er skrudd av for Deltakarar
%d bloggere like this: